Ragnar og fylgdarlið kominn til Frakklands

Bocuse d´Or diskur 2009

Nú líður að Bocuse d ´Or keppninni frægu en hún verður haldin á SIRHA sýningunni í sýningarhöllinni í Lyon EUREXPO dagana 24. – 28. janúar eins og vanalega.

Íslendingar taka nú þátt í 6. skiptið og er það Ragnar Ómarsson sem er fulltrúi okkar í keppninni, en  þetta er í annað sinn sem hann er fulltrúi okkar í keppninni, aðstoðarmenn hans í þetta sinn eru Einar Þór Jóhannsson matreiðslunemi á Domo og Gústav Axel Gunnlaugsson matreiðslumaður sem hefur störf á nýjum stað eftir ferðina, einnig er Sturla Birgisson einn af dómurum í keppninni.

Aðalhráefni keppninnar er eftirfarandi:

Fiskréttur fyrir 14 manns Norskt Sjávarfang

1  Ferskur heill Þorskur um það bil 5 – 6 kíló
2  Risahörpuskel 45 stykki
3  Villtar rækjur, ósoðnar 3 kg

Kjötréttur fyrir 14 manns Skoskt naut Angus

1  Angus fillet 2 – 2,5 kg
2  Uxahali um 1kg
3  Nautakinnar 2 stk um 500gr hvor
4  Nautarif 3 stk 3 – 4 kg .

20 janúar 2009 s.l. héldu keppendur og dómari til Frakklands og munu dvelja í sveitinni fyrir utan Lyon ,og fara á markaðinn og setja sig í stellingar.

Munum við flytja ykkur fregnir um leið og Þær berast.

Við hjá Freisting.is óskum þeim alls farnaðar í komandi keppni.

Yfirlit frétta af Bocuse d´Or, er hægt að nálgast hér.