Ostaveisla í brauði: Mozzarella samloka með kjúkling og pestó

Góðar kjúklingasamlokur standa alltaf fyrir sínu og þær smellpassa við hin ýmsu tilefni. Hér fær ferskur mozzarella ostur að njóta sín og við leyfum okkur að fullyrða að hér sé komin samsetning sem er með þeim betri.

(fyrir 2)

1 stk. baguette brauð

1 kjúklingabringa, elduð

2 stk. Mozarella kúlur

Handfylli klettasalat

1 stór tómatur

Dijon sinnep

Rautt pestó

Salt og pipar

Aðferð:

1. – Skerið baguette brauðið í tvennt eftir endilöngu.

2. – Smyrjið Dijon sinnepi á annan helminginn og rauðu pestói á hinn helminginn.

3. – Skerið Mozzarella ostinn í þykkar sneiðar, rífið eða skerið kjúklinginn niður og skerið tómatana í sneiðar.

4. – Raðið álegginu á brauðið ásamt klettasalati, saltið og piprið og leggið saman.

Kynning