Vertu memm

Nýtt bakarí, veitingahús, fisk- og kjötbúð og hótel

Nýir eigendur taka við Kaffi Krók – Wok On opnar á Akureyri

Birting:

þann

Kaffi Krókur á Sauðárkróki

Kaffi Krókur á Sauðárkróki

Hjónin Kristín Elfa Magnúsdóttir og Sigurpáll Aðalsteinsson eru nýir eigendur Kaffi Króks á Sauðárkróki. Þetta er ekki í fyrsta skipti sem þau sjá um staðinn en þau ráku hann frá því að þau endurbyggðu hann árið 2009 eftir bruna til ársins 2015 þegar þau seldu hann.

Aðspurður hvers vegna þau hjón hafi ákveðið að kaupa staðinn aftur segir Sigurpáll:

„Ég spyr mig stundum sjálfur að því og Kristín sennilega enn þá oftar. Þetta var vonandi bara góð ákvörðun og við gerum það allra besta úr henni.

Planið er að þarna verði líf og fjör og eitthvað í boði fyrir alla, næg afþreying, hægt að horfa á sportið og fá sér gott að borða, svo er bar á kvöldin og skemmtileg stemning.“

Segir Sigurpáll í samtali við kaffid.is sem fjallar nánar um málið hér.

Wok On á Smáratorgi

Fyrir 5 árum opnaði Wok On á Smáratorgi

Asíski heilsuveitingastaðurinn Wok On opnar í nýju húsnæði Krónunnar á Akureyri sem áætlað er að opna í byrjun nóvember, en tveir veitingastaðir munu bjóða upp á „take-away“ þjónustu í húsnæði Krónunnar, en þeir eru Wok On og Rub23, að því er fram kemur á kaffid.is. Wok On sérhæfir sig í asískri Wok matargerð þar sem hollusta og gæði eru í fyrirrúmi.

Er þetta fyrsti Wok On veitingastaðurinn sem opnar á Norðurlandinu, en fyrir eru tveir Wok On staðir í Reykjavík við Borgartún 29 og Mathöll Höfða, á Smáratorgi í Kópavogi, Reykjavíkurvegi 66 í Hafnarfirði, Víkurskála í Vík í Mýrdal, í Hveragerði og í Krónunni í Mosfellsbæ.

Hugmyndafræðin á bak við Wok On er í anda Wok to Walk skyndbitastaðina sem hægt er að finna víðs vegar um heim, þar sem gestir setja saman sinn eigin rétt í nokkrum einföldum skrefum og maturinn er síðan steiktur á wok pönnu fyrir framan gestina.

Myndir: úr safni

Smári er matreiðslumaður að mennt, en hann hefur starfað við fagið til fjölda ára, bæði sem starfsmaður og rekstraraðili. Í dag starfar Smári hjá Tónaflóði heimasíðugerð. Hægt er að hafa samband við Smára á netfangið [email protected] Skoða allar greinar höfundar hér >>

Podcast / Hlaðvarp

Ekki missa af neinu

Fréttabréf

Veldu eitt eða allt af eftirtöldu:
Auglýsingapláss

Mest lesið