Fisk Kompaní festir kaup á Betri vörum

Hjónin Ragnar og Ólöf, eigendur Fisk Kompaní á Akureyri.
Mynd: aðsend

Fisk Kompaní á Akureyri hefur fest kaup á Betri vörum ehf. á Ólafsfirði, samkvæmt frétt kaffid.is. Með kaupunum styrkir fyrirtækið stöðu sína á markaði fyrir gæða sjávarafurðir og eykur framboð á vörum úr laxi og silungi úr landeldi.

Betri vörur hafa um árabil sérhæft sig í áframvinnslu á ferskum laxi og silungi fyrir innlendan markað, þar á meðal fyrir verslanir, hótel og veitingastaði. Meðal framleiðslu eru vinsælar vörur á borð við birkireyktan lax og grafinn lax sem hafa fest sig í sessi sem vönduð matvara.

Í frétt kaffid.is kemur fram að með sameiningunni sé stefnt að því að efla vöruúrval og nýta sameiginlega þekkingu fyrirtækjanna, auk þess að auka dreifingu vörulínunnar á næstu misserum.

Nánar má lesa um málið á kaffid.is.

Mynd: aðsend