Matreiðslumaður Ársins 2010

Forkeppni fyrir keppnina um Matreiðslumann ársins 2010 verður haldin þann fimmtudaginn 23. september í Vetrargarðinum í Smáralind.

Þar verða valdir 5 keppendur sem fara í úrslitakeppni sem verður haldin sunnudaginn 26. september í Vetrargarðinum Smáralind.

Keppnisrétt hafa þeir sem lokið hafa sveinsprófi í matreiðslu og hafa staðfest þátttöku með greiðslu keppnisgjalds kr. 20.000.- fyrir 1. september 2010.

Fimm efstu komast í úrslitakeppnina, ekki eru gefin upp sæti.  Tilkynnt verður samdægurs hverjir komast áfram.

Keppendur hafa 1 klukkutíma til að afgreiða matinn; forrétt og aðalrétt.
 
Keppendur eiga að koma með allt hráefni sjálfir, eins mikið forunnið/eldað og þeir kjósa.
 
Ekkert hráefni fáanlegt á keppnisstað.

Hráefni og uppsetning:
Eldaður er forréttur og aðalréttur fyrir 6 manns sem eru framreiddir á diskum.
(5 fyrir dómara)

Dæmt er eftir NKF reglum, nema að vægi dóma í forkeppni er eftirfarandi;

Vægi dóma:
Eldhúsvinna, hreinlæti og tímasetningar 10%
Framsetning/samsetning 40%
Bragð 50%

Áhöld:
Eldhúsin verða án smá áhalda

Dómarar:
Dæmt verður með blind smakki og dómarar verða 5 sem allir hafa lokið dómaranámskeiði NKF.
Auk tveggja eldhúsdómara.

Fatnaður:
Keppendum er skylt að vera í einkennisklæðnaði sem er svartar buxur, hvítur kokkajakki, húfa og hvít svunta, allt vel til haft.

Uppskriftir:
Matseðli og uppskriftum skal skila inn á Íslensku og ensku í tölvutæku formi, ásamt matseðli og kynningu til útstillingar.
Uppskriftir verða eign Klúbbs Matreislumeistara.

Skráning:
Skráning er á [email protected]
Keppnisgjald er kr. 20.000,-
Skráningarfrestur er til 1. september 2010

Í skráningu þarf eftirfarandi að koma fram:

• Nafn
• Vinnustaður
• e-mail
• Aldur
• Greiðandi

Leggja á keppnisgjaldið inn á reikning KM:
0513-26-406407
kt: 571091-1199
ISK 20.000,-
Fyrir 1. september 2010

Nefnd um Matreiðslumann ársins