Íslenskur yfirmatreiðslumaður og meðeigandi á nýjum veitingastað í Noregi

Í sumar opnaði brugghús-, og veitingastaður sem ber sama nafn og sveitabýlið Fæby í bænum Verdalsøra í Noregi.

Fæby-sveitabýlið hefur verið í eigu sömu fjölskyldu Jørund H. Eggen frá árinu 1843, en hann og eiginkona hans Silje Lyngstad Eggen tóku við búinu fyrir fimm árum. Á Fæby er mikil kartöfluframleiðsla þar sem framleitt er um 1000 tonn á hverju ári.

Það hefur ávallt verið draumur hjá Fæby fjölskyldunni að endurnýja gamalt brugghús, sem nú er orðið að veruleika. Á Fæby er boðið upp á fjölbreytta dagskrá fyrir gesti þar sem hægt er að skoða brugghúsið, minjagripabúð, borða glæsilegan mat ásamt veislur og fundi sem tekur allt að 120 manns í sæti.

Hákon Bragi Valgeirsson

Yfirmatreiðslumaður Fæby er Hákon Bragi Valgeirsson, en hann er jafnramt meðeigandi. Hákon lærði fræðin sín á Grand Hótel í Reykjavík, útskrifaðist árið 2000 og frá meistaraskólanum árið 2002. Hákon var yfirkokkur á Grand Hótel á árunum 2002 – 2005.

Hákon flutti til Noregs árið 2005 og hefur starfað t.a.m. á Radisson Blu Royal Garden Hótelinu í Trondheim, veitingastaðnum Backlund, Stiklestad Hótelinu og síðast á veitingastaðnum Skalden í bænum Verdalsøra, áður en hann hóf störf á Fæby.

Mat-, bjór-, og vínseðill

Á Fæby er farin frekar óhefðbundin leið í matseðlagerð, en bjórinn er fyrst bruggaður og réttirnir eru síðan paraðir við bjórinn. Fæby brugghúsið framleiðir nokkrar tegundir af bjórum, sem eru:

Styggfin: þessi bjór er af árstíðabundnum toga. Léttur bjór með belgísku yfirbragði.

Ovlin dreng: er rúgbættur. Rúgurinn er notaður til að koma humlinum í jafnvægi við áferð og bragð. Bragðgóður matbjór en er einnig góður einn og sér.

Kvitjlabegg: er léttur humla bjór.

Kvardagsknipa: er sterkur humlabjór með miklum ilm og smá beiskju.

Matseðillinn er mismunandi eftir árstíð og allt hráefni er eins og áður segir unnið út frá bjórunum.

Fæby

[fbvideo link=“https://www.facebook.com/watch/?v=850285038671266″ width=“700″ height=“400″ onlyvideo=“1″]

Myndir: facebook / Fæby