Stillið ofn á 170°C. Setjið hveiti, salt og pipar í plastpoka. Setjið lambaskankanna í pokann og hristið þar til bitarnir eru þaknir hveitinu. Þurrkið af mest allt hveitið og brúnið kjötið, hitið smjör á pönnuog brúnið kjötið. Skerið rauðlauk og gulrætur niður í bita og hvítlaukinn í helming. Setjið grænmetið og kjötið í eldfast mót með loki ásamt salti, pipar, rósmarín, tómötum og vatni. Eldið í 3 og hálfan tíma og berið fram með kartöflu- og blómkálsmús.
Kartöflu- og blómkálsmús
2 stórar kartöflur
1/2 blómkálshaus
3 msk rjómaostur
salt og pipar
Skrælið og skerið kartöflurnar niður í bita. Sjóðið í potti og skerið blómkálið niður í bita. Bætið blómkálinu við pottinn þegar rúmlega 5 mínútur eru eftir af suðunni. Sigtið vatnið frá og stappið saman með rjómaosti. Kryddið með salti og pipar.
Bóndadagsskankar
Hráefni
u.þ.b. 1 tsk. sjávarsalt
u.þ.b. ½ tsk. svartur pipar, nýmalaður
4 stk. lambaskankar
3-4 msk. ólífuolía
3 rauðlaukar, afhýddir og skornir í tvennt
2 rósmaríngreinar
3 tímíangreinar
200 g sveppir, skornir gróflega
1 hvítlauksgeiri, saxaður smátt
15 g smjör, ósaltað
Hitið ofn í 150°C. Setjið salt og pipar yfir lambaskankana, látið í eldfast mót ásamt rauðlauk og kryddjurtum og hellið olíu yfir. Eldið í 1 ½ – 2 klst. eða þar til kjötið fellur auðveldlega af beininu. Hitið pönnu með 1 msk. af olíu og steikið sveppina í 5-6 mín. bætið við hvítlauk og smjöri, steikið áfram í 1 mín. og bragðbætið sveppina með salti og pipar. Berið lambaskankana fram með bakaða rauðlauknum, steiktu sveppunum og rauðvínssósu.
Rauðvínssósa
2 skarlottulaukur
1-2 msk olía
2 1/2 dl rauðvín eða krækiberjasaft
2 rósmaríngreinar
2 tímíangreinar
2 1/2 dl kjúklingasoð eða lambasoð
1-2 msk smjör
Sjávarsalt
svartur pipar
Skerið skarlottulaukinn smátt og steikið upp úr olíu í 3-4 mínútur. Bætið við rauðvíni, rósmarín og timjan og sjóðið niður um helming. Bætið við soði, sjóðið aftur niður um helming og sigtið svo frá kryddið og laukinn. Setjið sósuna aftur í pottinn, smakkið til með salti og pipar, bætið smjörinu við og hrærið vel þar til smjörið hefur bráðnað.
Uppskriftirnar á veitingageirinn.is eru frá fagmönnum og áhugafólki á matargerð sem skilar fjölbreyttar og bragðgóðar uppskriftir til þín. Ef þú lumar á uppskrift sem þú vilt birta á veitingageirinn.is sendu okkur þá uppskriftina ásamt nafni á [email protected]