Serena Williams í óvæntri uppákomu fyrir Heineken 0.0

Serena Williams

Bandaríska tennisstjarnan Serena Williams hefur skrifað undir margra ára samstarfssamning við Heineken 0.0 og verður nýr sendiherra vörumerkisins. Samstarfið snýr að kynningu á áfengislausum bjór í tengslum við ört vaxandi vinsældir spaðaíþróttarinnar (Padel).

Serena, sem lauk glæsilegum ferli með 23 Grand Slam titla í einliðaleik, segir að samstarfið endurspegli hennar eigin lífsstíl. Hún leggur áherslu á að geta tekið meðvitaðar ákvarðanir án þess að fórna félagslífi eða hreyfingu. Að hennar sögn gerir Heineken 0.0 henni kleift að vera virk, halda áfram að hreyfa sig og tengjast nýju fólki, hvort sem það er inni á vellinum eða utan hans.

Samstarfið kemur í kjölfar þess að Heineken 0.0 varð alþjóðlegur samstarfsaðili Premier Padel Tour á síðasta ári. Með því vill fyrirtækið styrkja tengingu sína við padel-samfélagið og leggja áherslu á jafnvægi milli hreyfingar og félagslegra upplifana.

Padel hefur vaxið hratt á undanförnum árum og fleiri vörumerki hafa nýtt sér vinsældir íþróttarinnar. Leikarinn Tom Holland hefur til dæmis áður tengt eigin áfengislausa drykk við padel-viðburði í London og portvínshúsið Graham’s Port hefur einnig komið að styrktarsamningum tengdum íþróttinni.

Kynningarherferðin hófst með óvæntu uppátæki í Miami þar sem Serena mætti á padel-völl sem „varamaður“ í leik hjá almennum spilurum. Myndefni og myndir úr atvikinu eru hluti af herferð sem leggur áherslu á nýjar upplifanir og tengslamyndun.

Óvænt uppákoma

Einnig verður sérstök viðbót í Playtomic appinu nýtt í markaðssetningu, þar sem leikmenn sem bóka velli geta átt von á óvæntum gestakomum þekktra einstaklinga. Verkefnið, sem gengur undir nafninu „Unexpected Doubles“, verður þróað frekar á næstu mánuðum og er Serena fyrsta stórstjarnan sem tekur þátt.

Samkvæmt stjórnendum Heineken snýst herferðin um að skapa vettvang þar sem fólk getur verið virkt, félagslynt og opið fyrir nýjum tengslum, án þess að þurfa að gera málamiðlanir þegar kemur að drykkjarvali.

Mynd: aðsend / Heineken