Gunni Kalli opnar nýjan veitingastað á Akureyri – Myndir

Meistarakokkurinn Gunnar Karl Gíslason, stofnandi og eigandi Michelin veitingastaðarins Dill í Reykjavík opnar nýjan veitingastað á Akureyri í dag.  Staðurinn sem hefur fengið nafnið North er staðsettur á jarðhæð Hótels Akureyrar í gamla Skjaldborgarhúsinu við Hafnarstræti.

Gunnar Karl Gíslason

Gunnar segir að North verði einskonar litla systir Dillsins, en ekki eins og Dill. Á North er borinn fram morgunverður frá klukkan 07:00 til 11:00 fyrir gesti og gangandi og á kvöldin frá klukkan 18:00.

Á North er boðið upp á 7 rétta smakkseðil sem kostar 10.800 kr. og er lögð áhersla á íslenskt hráefni og þá sérstaklega það hráefni sem norðurlandið hefur upp á að bjóða. Nú á dögunum auglýsti Gunnar Karl í Dagskránni á Akureyri opnunina á staðnum og biðlaði til þeirra sem selja skemmtilegt hráefni að hafa samband.

Hægt er að panta borð á Dineout.is hér.

Myndir:  Gunnar Karl Gíslason