Fullkominn smáréttur: Gratíneraður Búri með timían og hunangi sem bráðnar í munni

Ég veit fátt betra en bakaðan ost og þessi er svo einfaldur og ljúffengur. Búri er fullkominn til að baka, ótrúlega bragðmildur en samt svo akkúrat passlegur. Ég geri þennan rétt aftur og aftur og hann smellpassar sem smáréttur fyrir 4-6.

Innihald

1 stk. Óðals Búri
1 stk. ferskt timían, saxað
2 msk. hunang

Meðlæti

nýbakað baguette

Aðferð

• Hitið ofn á grillstillingu og 250 gráður.
• Skerið ostinn í litla teninga og setjið í lítið eldfast mót. Stráið timían yfir
• Setjið undir grill í ofni og bakið þar til osturinn er bráðnaður og gullinbrúnn, eða í um 6-8 mínútur.
• Takið úr ofninum og hellið hunangi yfir.
• Berið fram strax með baguette.

Höfundur: Helena Gunnarsdóttir – gottimatinn.is