Þessi hátíð er klárlega ein af þeim skemmtilegri

Hátíðin í fyrra heppnaðist mjög vel.
Nær allir framleiðendurnir saman á mynd.
Mynd: facebook / Ölverk / Dagný Dögg Steinþórsdóttir

Næstkomandi helgi, 30.september og 1. október, í Hveragerði fer fram í þriðja sinn Bjórhátíð Ölverk. Í heildina hafa 35 bjór-, áfengi-, og matvælaframleiðendur boðað komu sína á ´heitustu´ bjórhátíð Íslands en líkt og áður þá fer hátíðin fram í heitu gróðurhúsi og búast má við góðri suðrænni stemningu á hátíðinni.

Af þeim 35 framleiðendum sem hafa staðfest komu sína þá koma 33 frá Íslandi, einn frá Færeyjum ( Föroya Bjór ) og einn frá Bretlandi ( Beavertown ).

Hressir dans tónar verða í gróðurhúsinu alla helgina en Gosi, DJ Atli Kanill, Herbert Guðmundsson, DJ Gunni Ewok, FM Belfast ( dj sett ), Blaz Roca, Sykur og DJ Yamaho munu stíga á stokk.

Allt að verða klárt.
Hátíðin fer fram í heitu gróðurhúsi.
Mynd: facebook / Ölverk

Elvar Þrastarson, brugg-, pizzumeistari og eigandi Ölverk, hefur sett saman sérstaka Ölverk bjór hátíðarrétti sem verða til sölu á bjórhátíðinni.

Miðasala fer fram á tix.is en gróðurhúsið opnar fyrir armbands gestir föstudaginn 30. sept kl 17:00 og laugardaginn 1. okt frá kl 16:00.

Eftir 20:00 báða dagana þá hefst tónlistarveislan og stendur til 01:00.

Þeir sem ekki ná armbandi á sjálfa bjórhátíðina geta samt sem áður borgað sig sérstaklega inn í gróðurhúsið eftir klukkan 21:30 bæði kvöldin.

Heildarlisti framleiðenda á Bjórhátíð Ölverk 2022: