Svona lítur Eftirréttur ársins 2015 út | „..keppnin hefur vaxið ár frá ári og er gæðastaðallinn mjög hár“

Sigurvegarar frá vinstri: Denis Grbic, Axel Þorsteinsson, Iðunn Sigurðardóttir

Eins og fram hefur komið þá fór fram keppnin Eftirréttur ársins í gær fimmtudaginn 29. október og stóð frá kl. 9:00 – 15.30 á sýningunni Stóreldhús 2015. Að þessu sinni kepptu 40 einstaklingar úr matvælageiranum en um 60 manns settu inn þátttökubeiðni. Úrslit voru kynnt kl. 17:00 í gær.

Sigurvegari keppninnar var Axel Þorsteinsson yfirkonditor á Apótel Restaurant og hlaut að launum námskeið hjá Chocolate Academy Cacao Barry á erlendri grundu. Í öðru sæti lenti Denis Grbic matreiðslumaður á Grillinu Hótel Sögu og í þriðja sæti Iðunn Sigurðardóttir matreiðslunemi á Fiskfélaginu. Keppni var hörð og lítill munur á keppendum í efstu sætunum.

Sigurvegarar og dómarar frá vinstri: Ylfa Helgadóttir, Sturla Birgisson, Denis Grbic, Axel Þorsteinsson, Iðunn Sigurðardóttir, Karl Viggó Vigfússon

Dómarar að þessu sinni voru þau Karl Viggó Vigfússon Omnom sem jafnframt var yfirdómari, Sturla Birgisson Borg Restaurant og Ylfa Helgadóttir Kopar.

Að sögn Karls Viggós hefur keppnin vaxið ár frá ári og er gæðastaðallinn mjög hár. Keppendur leggja mikinn metnað í eftirréttina og var mjótt á munum milli efstu manna. Gaman er að sjá unga og efnilega fagmenn gefa allt í keppnina og greinilegt að áhugi á eftirréttagerð fer vaxandi.

Eftirréttur ársins 2015

White Zephyr chocolate, apricot, peach, figs, pistachios, vanilla and salt

Til gamans má geta að heildverslunin Garri hefur stofnað Instagram síðu þar sem hægt er að fylgjast með daglegum rekstri og ýmsum uppákomum hjá starfsmönnum fyrirtækisins.

Nokkrar myndir af Instagram síðu Garra:

A photo posted by Garri Heildverslun (@garriheildverslun) on Oct 29, 2015 at 4:27am PDT

A photo posted by Garri Heildverslun (@garriheildverslun) on Oct 29, 2015 at 5:01am PDT

A photo posted by Garri Heildverslun (@garriheildverslun) on Oct 29, 2015 at 4:04am PDT

A photo posted by Garri Heildverslun (@garriheildverslun) on Oct 29, 2015 at 5:54am PDT

Myndir: Garri heildverslun