Garri stækkar vöruúrval sitt fyrir veitingageirann

Peroni Nastro Azzurro 0.0% er meðal þeirra 0% drykkja sem bætt hafa verið við vöruúrval Garra.

Heildsalinn Garri hefur hafið sölu á vörum frá innflutningsfyrirtækinu Mekka Wines & Spirits. Um er að ræða rúmlega 60 vörur sem bætast við vöruúrval fyrirtækisins.

Mekka Wines & Spirits flytur inn vörur frá fjölmörgum erlendum framleiðendum og hefur byggt upp samstarf við fyrirtæki á alþjóðlegum markaði. Með samstarfinu eykst vöruúrval Garra og fyrirtækið bætir við nýjum birgi fyrir veitingahús og aðra viðskiptavini á íslenskum markaði.

Samkvæmt Garra er þessi viðbót liður í áframhaldandi uppbyggingu vöruúrvals fyrirtækisins og markmiði þess að mæta ólíkum þörfum viðskiptavina í veitingageiranum.