Stefán framreiðslumeistari endurvekur vínklúbbinn – Leitar logandi ljósi að húsnæði fyrir klúbbinn

Stefán Guðjónsson hefur verið viðloðandi vín og vín umfjöllun í mörg ár. Stefán hefur tekið þátt í ýmsum vínþjónakeppnum hérlendis, keppti fyrir hönd Íslands í Evrópu keppni tvisvar, heimsmeistaramóti og norðurlandamóti nokkrum sinnum.

Stefán hefur skrifað um vín í nokkur tímarit, verið með sjónvarpsþátt á ÍNN sálugu, gefið út DVD um vín og haldið úti vefsíðuna Vínsmakkarinn.

Stefán er lærður framreiðslumeistari, hefur lokið 172 tíma vínþjóna námskeiði í Hótel og matvælaskólanum sem hluta af meistaranáminu.  Hann er með fyrsta stig í Court of Master Sommeliers og lauk þriðju gráðu af fjórum í Wine and Spirit exchange (WSET).

Stefán Guðjónsson

„Ég er að endurvekja vínklúbbinn og vantar stað til að halda fundi einu sinni í mánuði, að kvöldi til. Einnig væri gott að geta notað staðinn fyrir vínfyrirlestur einstaka sinnum. Staðurinn þarf að geta tekið 15-20 manns.“

Segir Stefán í tilkynningu, en hægt er að hafa samband við Stefán í gegnum heimasíðuna: www.smakkarinn.is

Mynd: úr safni