Saga barónanna lifir – Veitingahúsið Hornið heldur upp á 46 ára afmæli

Veitingahúsið Hornið, sem hefur verið eitt vinsælasta veitingahús Reykjavíkur í áratugi, fagnar 45 ára afmæli sínu í sumar. Húsið sem hýsir veitingastaðinn á sér þó mun lengri sögu sem tengist bæði veitingarekstri og borgarmenningu fyrri tíma.

Fjölskyldan á Horninu

Frá um 1940 til 1962 var í austurhluta hússins starfandi matstofa að nafni Hvoll. Eigandi hennar var Einar Eiríksson, en hann hafði áður rekið Bar Reykjavíkur á sama stað frá um 1925.

Sá bar var vinsæll meðal helstu drykkjumanna borgarinnar, sem fengu viðurnefnið „barónar“, dregið af nafni barsins. Talið er að orðið „róni“, sem notað hefur verið í reykvísku slangri, eigi rætur sínar að rekja til þessa hóps, sérstaklega í tengslum við hugtakið „Hafnarstrætis-róni“, sem var þekkt á fyrri hluta síðustu aldar.

Hafnarstræti á árunum 1902-1907.
Mynd: Ljósmyndari Pétur Brynjolfsson / minjastofnun.is

Saga hússins við Hafnarstræti endurspeglar lifandi menningu Reykjavíkur í gegnum árin. Frá því að hýsa drykkjufélaga og matstofu yfir í að verða eitt af þekktustu veitingahúsum borgarinnar, hefur það verið mikilvægur hluti af sögulegu og félagslegu landslagi miðborgarinnar.

Veitingahúsið Hornið hefur síðan 1979 boðið upp á ítalskan mat og notalegt andrúmsloft sem hefur laðað til sín bæði heimamenn og ferðamenn. Það verður því án efa fagnað með pompi og prakt þegar þessi sögufrægi staður fagnar 46 ára afmæli sínu 23. júlí næstkomandi.

Á Horninu eru 2 veislusalir, Gallerýið og Djúpið. Hægt að leigja þá fyrir partý, fundi, afmæli, fermingu og fleira, með eða án veitinga. Hver salur tekur ca 45 í sæti.

Myndir: facebook / Hornið