Norræna nemakeppnin: Skráning í forkeppni hafin

Gull til Íslands í framreiðslu á Norrænu nemakeppninni sem haldin var í apríl síðastliðnum. Tristan Tómasson Manoury, Silvia Louise Einarsdóttir og þjálfarinn Finnur Gauti Vilhelmsson fögnuðu sigrinum af mikilli gleði.

Forkeppni fyrir Norrænu nemakeppnina í framreiðslu og matreiðslu 2026 fer fram laugardaginn 8. nóvember næstkomandi í Hótel og matvælaskólanum í MK í Kópavogi.

Þar munu íslenskir nemar keppa um sæti í lokakeppninni sem haldin verður dagana 19.–21. apríl 2026 í Svíþjóð og sýna færni sína í list matargerðar og framreiðslu á hæsta stigi.

Framreiðsla

Framreiðslunemar byrja einnig á skriflegu prófi áður en verkleg verkefni hefjast.

Þau munu meðal annars:

Blanda tvo drykki á Vínstúkunni

Sýna færni í eldsteikingu

Setja upp kvöldverðaborð fyrir fjóra

Para vín við mat

Brjóta servíettur á skapandi hátt

Matreiðsla

Matreiðslunemar hefja daginn á skriflegu prófi áður en þeir takast á við eldamennskuna.

Í keppninni verða tveir réttir:

Aðalréttur: Mystery basket: hráefnin verða opinberuð á keppnisdegi.

Eftirréttur: Þar þarf að nýta Freyju rjómasúkkulaði, Lavazza kaffi, Pink Lady epli og Mysing.

Þetta er einstakt tækifæri til að fylgjast með framtíðar matreiðslu- og framreiðslufólki sýna metnað, fagmennsku og sköpunargleði í keppni sem er fyrsta skrefið á leiðinni að norræna titlinum!

Skráning í forkeppnina er hafin og hægt er að skrá sig með því að smella hér.

Mynd: aðsend / Iðan / Steinn Óskar