Nemakeppni Kornax 2015 – Þátttaka tilkynnist fyrir 13. febrúar

Eins og undanfarin ár verður haldin nemakeppni í bakstri og verður hún með svipuðu sniði og áður.  Það er bakaradeild Hótel og matvælaskólans í Kópavogi, Kornax, Landssamband bakarameistara og Klúbbur bakarameistara sem sjá um framkvæmd keppninnar.

Forkeppni verður fimmtudag og föstudag 26. og 27. febrúar. Skipt verður í 4 – 5 manna hópa og ræðst fjöldi hópa af þátttöku. 4 keppendur komast í úrslit og verður úrslitakeppnin haldin 5.-6. mars.

Hér er um að ræða einstakt tækifæri til að auka við faglega færni og öðlast dýrmæta reynslu sem mun nýtast mjög vel í verkefnum eins og verklegu lokaprófi og sveinsprófi. Keppt verður í sömu greinum og áður þ.e.a.s. gerð matbrauða, smábrauða, vínarbrauða, borðskreytingar úr brauðdeigi auk þess sem uppstilling telur einnig til stiga.

Góð verðlaun eru í boði. Allir keppendur fá viðurkenningarskjöl og allir keppendur í úrslitum fá verðlaunapening. Kornax gefur sigurvegaranum bikar til eignar. Klúbbur bakarameistara gefur auk þess veglegan farandbikar sem sigurvegarinn varðveitir í eitt ár.

Það er mjög áríðandi að þú tilkynnir þátttöku sem allra fyrst í tölvupósti, [email protected]

Upplýsingar sem þarf að senda með tölvupóstinum:

Nafn og kennitala:
Símanúmer:
Meistari:
Samningsstaður:

Þátttökuskilyrði eru þau að vera á námssamningi í bakstri.

Mynd: úr safni

/Smári