Michelin veitingastaðnum Locanda Locatelli lokað eftir 23 ára starfsemi

Giorgio Locatelli

Ítalski Michelin veitingastaðurinn, sem var staðsettur í Hyatt Regency hótelinu í London, hefur á þessum árum laðað að sér fræga einstaklinga eins og Kate Winslet, Brad Pitt og Madonnu svo fátt eitt sé nefnt.

Matreiðslumeistarinn Giorgio Locatelli opnaði staðinn með eiginkonu sinni árið 2002, og árið eftir fékk hann Michelin-stjörnu.

Í færslu á Instagram sögðu Locatelli-hjónin:

„Það er með þungu hjarta að tilkynna, vegna aðstæðna sem við ráðum ekki við, þá höfum við nú lokað varanlega. Við munum sakna allra viðskiptavina okkar, margir þeirra eru orðnir vinir okkar. En þegar einar dyr lokast, opnast aðrar, svo fylgist með samfélagsmiðlum okkar fyrir uppfærslur um nýja verkefnið okkar.

Við óskum ykkur gleðilegs nýs árs og farsældar á komandi ári og þökkum fyrir viðskiptin á síðustu 23 árum.“

Eldhúsið á Locanda Locatelli

Locanda Locatelli var hannað af David Collins og árið 2014 fór fram endurbætur á staðnum að andvirði einnar milljón punda.

Á matseðlinum voru meðal annars réttir eins og humarlinguine, pappardelle, cicerchia-súpa og margt fleira.

Myndir: Instagram / Locanda Locatelli