Slow Food á Íslandi heiðrar Dominique Plédel Jónsson

Dominique Plédel Jónsson

Slow Food á Íslandi hefur útnefnt Dominique Plédel Jónsson heiðursfélaga samtakanna. Ákvörðunin var einróma samþykkt á aðalfundi félagsins sem fram fór í maí.

Í tilkynningu frá Slow Food á Íslandi kemur fram að viðurkenningin sé veitt fyrir framúrskarandi framlag Dominique til Slow Food hreyfingarinnar hér á landi. Þar er henni meðal annars þakkað fyrir ómetanlegt starf í þágu íslenskrar matarmenningar og fyrir að hafa verið einn helsti drifkrafturinn að baki uppbyggingu samtakanna á Íslandi.

Fram kemur að Dominique hafi um árabil lagt bæði hug og hjarta í starf félagsins, auk þess að miðla þekkingu og gildum Slow Food hreyfingarinnar um góðan, hreinan og sanngjarnan mat. Þá segir einnig að grunnurinn að starfi samtakanna í dag byggi að stórum hluta á hennar krafti og framtakssemi.

Slow Food á Íslandi segir það mikinn heiður að geta þakkað Dominique fyrir hennar framlag með þessum hætti og óskar henni innilega til hamingju með viðurkenninguna.

Sjá fleiri fréttir um Dominique hér.

Mynd: Slow Food á Íslandi