Diskósúpa og fræðsla í forgrunni í átaki gegn matarsóun

Bókasöfn víða um land og Slow Food á Íslandi hafa tekið höndum saman í fræðsluátaki gegn matarsóun í tengslum við sjálfbærniviku Sameinuðu þjóðirnar, sem stendur yfir í viku 17. Markmiðið er að vekja athygli á því hvernig megi draga úr sóun, nýta hráefni betur og gefa afgöngum nýtt líf.

Á dagskrá eru fjölbreyttir viðburðir um allt land þar sem lögð er áhersla á fræðslu, samtal og hagnýtar lausnir. Þar má finna fyrirlestra, umræður og lifandi viðburði fyrir fólk á öllum aldri.

Hápunktur vikunnar verður laugardaginn 25. apríl þegar alþjóðlegi diskósúpudagurinn verður haldinn hátíðlegur meðal annars á Bókasafni Garðabæjar og í Rúnalist Galleríi. Þar verður hráefni sem annars hefði farið til spillis breytt í súpur í léttu og skemmtilegu andrúmslofti.

Aðstandendur hvetja landsmenn jafnframt til að deila hugmyndum að nýtingu afganga ( Tög: #EnginMatarsóun #Vika17 #AfgangaGlowUp ), enda leynast oft verðmæti í mat sem fær að njóta sín daginn eftir í nýrri mynd. Með því að miðla reynslu og uppskriftum má draga úr sóun og nýta hráefni á skynsamlegri hátt.

Viðburðir víðs vegar um landið

Akureyri

29. apríl – Minni sóun, meiri verðmæti, Dísa Óskars, Amtsbókasafnið – Facebook viðburður

Skagafjörður

25. apríl Diskósúpa í hlöðunni á Stórhól í Skagafirði. Rúnalist Gallerí, diskósúpa í Hlöðunni Stórhóli Rúnalist Gallerí opið alla helgina 25-26. apríl kl:12-17 | Facebook viðburður.

Garðabær

25. apríl Diskósúpuveisla og hjólastuð. Bókasafn Garðabæjar. Diskósúpuveisla og hjólastuð með Slow Food á Íslandi og Dr. Bæk | Facebook viðburður.

Mosfellsbær

24. apríl: Lausnin á matarsóun, fyrirlestur Bókasafn Mosfellsbæjar – Facebook viðburður.

Ísafjörður

21. apríl: Afskrifað í pottinn, Salóme Elín Ingólfsdóttir. Bókasafnið Ísafirði – Facebook viðburður.

Myndir: Slow Food