Landslið kjötiðnaðarmanna keppir í dag klukkan 18:00 að íslenskum tíma – Bein útsending

Frá einni æfingu landsliðsins.
Mynd: Jóhannes Geir Númason

Landslið kjötiðnaðarmanna keppir í Heimsmeistarakeppni í kjötskurði (World Butchers Challenge – WBC) í dag. Keppnin er haldin í Sacramento í Bandaríkjunum í NBA höllinni Golden 1 Center. Keppnin hefst klukkan frá 18:00 á íslenskum tíma.

13 þjóðir keppa í dag og er Ísland eina Norðulandaþjóðin sem tekur þátt, sjá meðlimi íslenska landsliðsins hér.

Þær þjóðir sem keppa eru:

Ástralía
Ameríka
Brasíl
Kanada
Frakkland
Þýskaland
Bretland
Ísland
Ítalía
Írland
Nýja Sjáland
Portúgal
Wales

Allar þjóðir fá ½ naut, ½ svín, 1/1 lamb og 5 kjúklinga til að vinna með. Liðin vinna þessa skrokka á 3 og hálfum tíma til að búa til fjölbreyttar vörur, girnilegar vörur og auðvitað góðar vörur.

Dómararnir dæma samvinnuna, vinnubrögðin, hreinlæti, nýtingu og frumlegheit.  Þemað hjá landsliðinu er Eldgosið í Meradölum.

Frá ungliðakeppninni sem haldin var í gær.
Mynd: Sigurður Ingi Halldórsson

„Við erum sannfærðir um að við séum flottir og samkeppnishæfir á þessu heimsmeistaramóti.“

sagði Jóhannes Geir Númason kjötiðnaðarmeistari og einn af stofnendum landsliðsins í samtali við veitingageirinn.is. Jóhannes er með í för sem sérlegur aðstoðarmaður landsliðsins.

Bein útsending

Fleiri fréttir um Landslið kjötiðnaðarmanna hér.