Landslið kjötiðnaðarmanna leitar að liðs­manni fyrir næsta stórverkefni

Íslenska landsliðið í kjötiðnaði keppti á heimsmeistaramótinu í París fyrr á árinu og sýndi þar styrk og metnað íslensks kjötiðnaðar.

Ferlið fyrir næsta verkefni Landsliðs kjötiðnaðarmanna er að hefjast, en nú leitar liðið að öflugum kjötiðnaðarmanni sem er tilbúinn að leggja mikinn tíma, kraft og metnað í undirbúninginn fyrir næsta heimsmeistaramót.

Næsta stóra verkefni liðsins verður Heimsmeistaramótið í kjötiðnaði sem fram fer í Ástralíu árið 2028. Þar mætast færustu kjötiðnaðarmenn heims í keppni þar sem listin við kjötiðnaðinn, nákvæmni og fagleg vinnubrögð koma í öndvegi.

Ef þú telur þig eiga erindi í liðið og vilt taka þátt í þessu einstaka ævintýri, hvetur Landslið kjötiðnaðarmanna þig til að sækja um og verða hluti af samstilltu liði sem ber íslenska kjötiðnaðinn stoltan út í heim.

Sækja um hér.

Mynd: facebook / Landslið Kjötiðnaðarmanna