Landslið kjötiðnaðarmanna mætir í MK, opið hús um helgina

Íslenska landsliðið í kjötiðnaði

Opnað verður fyrir gesti í Menntaskólanum í Kópavogi á morgun, laugardaginn 7. mars, þegar skólinn heldur opið hús frá klukkan 11 til 14. Þar verður meðal annars hægt að kynna sér nám og störf í kjötiðnaði, en fulltrúar úr landsliði kjötiðnaðarmanna verða á staðnum og segja frá faginu fyrir áhugasama gesti.

Sjá einnig: Verknámshúsið iðar af lífi – Opið hús í MK 7. mars

Markmiðið með kynningunni er að veita innsýn í starf kjötiðnaðarmanna, bæði hvað varðar námið sjálft og þau fjölbreyttu störf sem bíða þeirra sem velja þessa leið. Gestum gefst tækifæri til að spjalla við fagfólk, fá upplýsingar um námið og fræðast nánar um kjötiðnaðinn.

Allir sem hafa áhuga á faginu eru hvattir til að líta við og kynna sér starfið af eigin raun.

Mynd: facebook / Landslið Kjötiðnaðarmanna