La Trattoria opnar formlega á veitingasvæðinu Aðalstræti – Hrefna Sætran: Við ætlum að bjóða gestum flugvallarins upp á alvöru ítalskan mat og vín….

Veitingastaðurinn La Trattoria er íslenskur veitingastaður sem býður upp á ítalska rétti, þar sem áhersla er lögð á hágæða hráefni og einfaldleika. Staðurinn opnaði fyrst í mathöllinni í Hafnartorgi og hefur notið mikilla vinsælda síðan.

Ekta ítölsk stemning

La Trattoria hefur nú opnað formlega á veitingasvæðinu Aðalstræti í brottfararsal á Keflavíkurflugvelli, á sama svæði og hamborgarastaðurinn Yuzu og mexíkóski matstaðurinn Zócalo.

Hrefna Sætran, einn af okkar þekktustu kokkum, og Ágúst Reynisson veitingamaður, eiga heiðurinn að matseðlinum á La Trattoria. Sérstök viðbót á nýja matseðlinum á flugvellinum verða ljúffengar pizzur fyrir gesti.

Sérstök viðbót á KEF matseðlinum

Hrefna Sætran

Hrefna Sætran segir í tilkynningu:

„Við ætlum að bjóða gestum flugvallarins upp á alvöru ítalskan mat og vín. Ferskt pasta, ljúffengar bruschettur og úrval af Zenato vínum.

Svo verðum við með sérstaka viðbót á KEF matseðlinum sem samanstendur af úrvali af pizzum.“

Myndir: kefairport.is