KM dómaranámskeið og NKF dómaranámskeið

Jakob og Bjarki fara hér yfir loka uppstillingu á borði kokkalandsliðsins fyrir ólympíuleikana í matreiðslu sem fram fór í Erfurt í Þýskalandi dagana 20. – 24. október 2008

Íslenskt dómaranámskeið á vegum Klúbbs Matreiðslumeistara verður haldið í Hótel- og matvælaskólanum í Kópavogi  föstudaginn 17. apríl kl. 14:00 til 17:00. Ragnar Wessman kennslustjóri og Jakob H. Magnússon alþjóðadómari verða leiðbeinendur og munu fara yfir dómarareglur og kynna ýmsa þætti varðandi dómgæslu í matreiðslukeppnum.

Þátttakendur öðlast rétt til þátttöku í keppnum innanlands á vegum Klúbbs Matreiðslumeistara.  Námskeiðsgjald er 20.000.-

Norrænt dómaranámskeið á vegum NKF, samtaka norrænna matreiðslumanna verður síðan haldið í tengslum við NKF þingið og matreiðslukeppnirnar í Laugardalshöllinni föstudaginn 8. og laugardaginn 9. maí  2009.  Þáttakendur öðlast rétt til dómgæslu í alþjóðlegum keppnum á vegum NKF.

Leiðbeinendur eru Sven Magnus Gjönvik frá Noregi og Kurt Weid frá Svíþjóð.  Einungis tveir matreiðslumenn frá hverju Norðurlandanna komast á það námskeið að undangegnu námskeiði í sínu heimalandi fyrst.  Námskeiðsgjald er  um  4000 Skr.

Námskeiðin eru styrkhæf hjá Matvís , nánar hjá Matvís.is.

Áhugasamir hafi samband sem fyrst við Jakob í síma 8640499 eða á [email protected]

Mynd: Smári