Markaðurinn

Kjúklingabringur í ljúffengri rjóma- og sweet chili sósu

Birting:

7 mánuðir síðan

þann

15.02.2026

Eftir

Einstaklega freistandi og ljúffengur réttur sem tekur matartímann á nýtt plan. Það er eitthvað svo notalegt við rjómalagaða kjúklingarétti sem bakast í ofni í einu fati og nú fer sá árstími í hönd þar sem sjóðheitir og fljótlegir ofnréttir hitta beint í mark.

Innihald
5 skammtar

5 stk. kjúklingabringur
1 stk. blaðlaukur
2 dl sweet chili sósa
3 dl matreiðslurjómi frá Gott í matinn
200 g rjómaostur með graslauk og lauk (ein dós)
1 stk. kjúklingateningur
1⁄2 msk. sojasósa
rifinn pizza- eða gratínostur eftir smekk

Meðlæti
Gott salat og hrísgrjón eða nýbakað brauð

Skref 1

Hitið ofn í 200 gráður með blæstri.
Skerið kjúklingabringur í bita.
Hitið pönnu með smá smjöri, saltið og piprið kjúklingabitana og brúnið þá vel eða þar til þeir eru nánast fulleldaðir.
Setjið kjúklinginn þá í eldfast mót.

Skref 2

Lækkið hitann á pönnunni, setjið smá smjör á pönnuna og steikið púrrulaukinn þar til hann mýkist aðeins, ca. 3 mínútur.
Setjið rjómann, rjómaostinn, kjúklingatening, sojasósu og sweet chilli sósuna út á pönnuna og leyfið að malla aðeins, smakkið til með sweet chilli sósunni og meiri soja ef ykkur finnst þurfa.
Bætið örlitlu vatni saman við sósuna ef ykkur finnst hún of þykk.

Skref 3

Hellið sósunni því næst yfir kjúklinginn og toppið með rifnum osti.
Bakið í ofni við 200 gráður í 15 mínútur eða þar til kraumar í sósunni og hún hefur tekið lit.
Berið fram með góðu grænu salati og grjónum eða nýbökuðu brauði.

Höfundur: Helena Gunnarsdóttir – gottimatinn.is

Tög:2026 Aðalréttur Kjötréttur Kjúklingaréttur Kjúklingur Mjólkursamsalan Uppskriftir

Uppskriftir - Veitingageirinn.is

Uppskriftirnar á veitingageirinn.is eru frá fagmönnum og áhugafólki á matargerð sem skilar fjölbreyttum og bragðgóðum uppskriftum til þín. Ef þú lumar á uppskrift sem þú vilt birta á veitingageirinn.is sendu okkur þá uppskriftina ásamt nafni á [email protected]

Auglýsingapláss