Ísland vekur athygli með framúrskarandi vegan réttum á Ítalíu

Bjarki Snær Þorsteinsson tók þátt í Global Vegan Chef Challenge með Maríu Ósk Steinsdóttur sér til halds og trausts.

Í dag tóku íslensku matreiðslumennirnir Bjarki Snær Þorsteinsson og María Ósk Steinsdóttir þátt í forkeppni Vegan Global Chef á sýningunni Bear and Food Attraction í Rimini, Ítalíu.

Sjá einnig: Global Chefs Challenge fer fram á Ítalíu

Þetta er í annað sinn sem þessi forkeppni fer fram í Rimini, en aðalkeppnin mun næst fara fram í Wales árið 2026.

Bjarki og María hófu keppni klukkan 07:45 að staðartíma og höfðu tvær klukkustundir til að útbúa tveggja rétta vegan máltíð. Engin skilgreind hráefni voru fyrirfram ákveðin, þannig að keppendur gátu sjálfir valið hvað þeir elduðu. Þau skiluðu báðum réttum á réttum tíma, og litu þeir mjög vel út.

Forréttur:

Ravioli með tófu- og skessujurtar fyllingu

Tómatseyði

Þurrkaðir tómatar

Valhnetur

Stökk salvía

Aðalréttur:

Jarðskokkapressa

Kartafla með linsubaunafyllingu

Vatnsdeigsbakstur með svepparagú

Gljáð gulrót

Ragú með sojabaunum, kantarellum og kínóa

Pólentufroða

Sveppa- og laukgljái

Niðurstöður keppninnar verða tilkynntar síðar, en frammistaða Bjarka og Maríu lofar góðu fyrir framhaldið.

Fréttir beint frá vettvangi!

Þórir Erlingsson, forseti Klúbbs matreiðslumeistara, streymir frá Global Chef-keppnunum í Ítalíu.

Mynd: kokkalandslidid.is