Eina ferðina enn koma jól – Jóla púns keppnin á næsta leiti

Nú fer að styttast í árlegu Jóla púns keppnina hjá Barþjónaklúbbi Íslands, en að þessu sinni verður hún haldin í Kornhlöðunni 19. desember næstkomandi.

Keppnin verður auglýst almenningi og munu þau kaupa miða og velja sér púns og í leiðinni styrkja þetta góða málefni.

Púnsinn sem fær flesta miða í lok kvöldsins vinnur og fær ásamt Barþjónaklúbbnum að afhenda ágóðan til Barnaspítala Hringsins.

Í fyrra safnaðist 250.000 kr. sem rann til Samhjálpar, í ár stefnir klúbburinn hærra og mun klúbburinn styrkja Barnaspítala Hringsins.

Þér er boðið að taka þátt í þessu góða málefni og eru meðlimir klúbbsins búnir að fá birgjana til liðs við sig í að sponsa áfengi sem hægt er að nota í púnsinn.

Það er stuttur tími til stefnu og sæta framboð ekki endalaust en fyrstu 15 komast að og eiga möguleika á að vinna.

Skráningu lýkur þriðjudaginn 10. desember, fyrstu 15 til að skrá sig fá svo sendann lista yfir tengiliði hjá birgjunum sem hægt er að fá spons hjá.

Skráning á [email protected]

Mynd: úr safni