Dominique Crenn: „Kokkarnir hérna á Íslandi eru mjög skapandi…“ – Videó

Fyrsta konan sem hefur fengið þrjár Michelin stjörnur í Bandaríkjunum matreiddi kræsingar fyrir heppna gesti á Reykjavík Edition í gærkvöldi. Hin franska Dominique Crenn sem rekur veitingastaðinn Atelier Crenn í San Francisco í Bandaríkjunum.

„Það hefur verið draumur minn að koma til þessa fallega lands af ýmsum ástæðum, svo sem náttúrunnar. Ég held að allar manneskjur í heiminum ættu að koma hingað og sjá fegurðina og andagiftina hérna. Þetta er ótrúlegur staður,“

sagði Crenn í samtali við fréttastofu Stöðvar 2.

Crenn útbjó smárétti með íslenskum hráefnum. Vildi hún þakka fyrir veru sína með því.

„Kokkarnir hérna á Íslandi eru mjög skapandi og ég er spennt fyrir að smakka allt,“ segir Crenn.

Hér að neðan má sjá innslagið í heild sinni:

Mynd: skjáskot úr myndbandi