Dísu Café opnað í hjarta Húsavíkur

Dísu Café hefur tekið til starfa í gömlu bifreiðastöðinni við Vallholtsveg 3 á Húsavík.

Nýtt kaffihús hefur litið dagsins ljós á Húsavík en Dísu Café var formlega opnað nú á dögunum í gömlu bifreiðastöðinni við Vallholtsveg 3 í hjarta bæjarins. Staðurinn ber með sér hlýlegt og persónulegt yfirbragð þar sem gestum er boðið upp á heimilislegt andrúmsloft og kræsingar sem allar eru unnar frá grunni.

Bakvið Dísu Café stendur Fanndís Dóra Qypi Þórisdóttir, eigandi og frumkvöðull.

Eigandi kaffihússins er Fanndís Dóra Qypi Þórisdóttir sem leggur áherslu á að allt sé bakað með ást og alúð. Á Dísu Café er að finna fjölbreytt úrval kaffidrykkja, nýbakað bakkelsi, patisserie eftirrétti, samlokur og fleira góðgæti.

Í „ömmuhorninu“ á Dísu Café eru boðnar upp á ekta heimabakaðar kökur úr uppskriftabók ömmu.

Sérstaka athygli vekur svokallað „ömmuhorn“ þar sem boðið er upp á ekta heimabakaðar kökur úr uppskriftabók ömmu. Þar má finna gömlu, klassísku kökurnar sem margir kannast við og eiga sér sérstakan stað í hjarta gesta.

Dádýrafillet á brauði með rauðvínssósu, osti og majónesi á Dísu Café.

Ný 3ja fasa rafmagnstenging lögð fyrir stóra ofna og búnað á Dísu Café.

Dísu Café er kærkomin viðbót við veitingaflóru Húsavíkur og lofar góðu fyrir kaffihúsaunnendur nær og fjær.

Kaffihúsið er opið föstudaga til sunnudaga frá kl. 10 til 17.

Myndir: facebook / Dísu Café