Burger Joints (Hamborgarabúllan) á Aker bryggju í Noregi fær góða umsögn

Það sem blaðamaður hálf missir sig yfir er að í kjallara á Aker bryggju sé hamborgarastaður sem býður upp á 200 gr nautahakksborgara undir nafninu The Fifth Taste (Fimmta bragðið) en hann er jarðsveppa gljáður með andalifur, karamelluseruðum lauk og jarðsveppamayonnaise og verðið 300 kr. norskar og þú þarft að kaupa franskar auka.

Blaðamaðurinn er mjög hrifinn af matnum og segir mikil gæði í honum alla leið og segir að sú stefna sem er að ryðja sér til rúms í dag að það sé meiri áhersla lögð á matinn heldur en innréttingarnar, sé viturlegri þegar litið er til lengri tíma.

Hann líkir búllunni við þekktustu hamborgarastaði Óslóar eins og Illegal, sem að sigraði um daginn keppnina um besta borgara Oslóar, Dögnvill sem lenti í öðru sæti í sömu keppni og Munchies og segir að þeir þurfi að fara að passa sig á samkeppninni.

Myndir: af heimasíðu Burger Joints

/Sverrir