Annað Off venue hjá Klúbbi Matreiðslumeistara | Haldið í bókaherberginu á Hótel Holti 18. febrúar

Það lá viss stemming í loftinu þegar komið var inn á Holtið og maður uppgötvaði að borðhaldið færi fram í bókaherbergi hótelsins og er inn var komið, kom í ljós að við myndum sitja 17 saman á einu hringborði, þetta kom skemmtilega á óvart og viðburðarnefndin strax farin að láta vita af sér.

Matseðill kvöldsins var eftirfarandi:

Andalifraterrine, Gewustraminer karamella, blómkál og trufflu „pannacotta“

Þessi réttur var framlag Friðgeirs á síðasta galadinner KM, mjög stílhreinn og einfaldur en umfram allt mjög góður

Rauðspretta og humar „Milanese“ 2013

Alveg svaka flott eldun á fiski og humri, meðlæti kom passlega sterkt inní svo fiskbragðið naut sín

Heilsteikt kálfalæri „fjögurra mánaða“, heimagert spaghetti og sósa „à la minute“ | Mynd: Jóhann Sveinsson

Heilsteikt kálfalæri „fjögurra mánaða“, heimagert spaghetti og sósa „à la minute“

Þessi réttur var presenteraður fyrir okkur í heilu læri á silfurbakka sem demo, fór svo inn í eldhús og skammtað á diskana og er það kom á borðið sagði maður bara vá og bragðið af réttinum, það er ógleymalegt

Leikur að Valrhona

Engin flugeldasýning, bara plain og góður endir á góðu kvöldi

Sigurður Runólfsson

Þjónninn okkar þetta kvöld var mikill reynslubolti í faginu en hann heitir Sigurður Runólfsson.

Viðburðarnefndin á hrós skilið fyrir að hafa í tvígang komið með hráefni sem ekki er á boðstólunum á Íslandi dags daglega og skapa góða umgjörð um uppákomurnar, mig er farið að hlakka til hvers við eigum von á frá þeim herramönnum næst.

Takk fyrir mig.