Landsliðshópurinn mættur eldhress í alvöru amerískt BBQ

Landsliðsmeðlimir fyrir utan NBA höllina Golden 1 Center

Landslið kjötiðnaðarmanna er mætt í Sacramento í Bandaríkjunum eftir langt flug eða um 15 tíma flug með millilendingu í Seattle.  Síðastliðna daga hefur landsliðshópurinn verið að koma sér fyrir.

Gærdagurinn fór mest í kynningarfundi með fyrirliðum allra landsliða, dómurum, skráningar og öll landsliðin hittust ofl.

Í gærkvöldi fór íslenski hópurinn á veitingastaðinn Urban Roots brugghúsið og þar fékk hópurinn sér ekta amerískan BBQ mat.

Í dag er þéttskipuð dagskrá, blaðamannafundir, keppnissvæðið skoðað og endar dagurinn á kokteilboði í kvöld.

Landslið kjötiðnaðarmanna er núna í Sacramento í Bandaríkjunum þar sem liðið mun keppa í Heimsmeistarakeppni í kjötskurði (World Butchers Challenge – WBC) sem haldin verður í NBA höllinni Golden 1 Center, laugardaginn 3. september næstkomandi klukkan frá 18:00 á íslenskum tíma.

Sjá einnig: Landslið kjötiðnaðarmanna keppir í Heimsmeistarakeppni í kjötskurði

Veitingageirinn.is mun fylgjast vel með og færa ykkur fréttir frá keppninni. Fleiri fréttir um Landslið kjötiðnaðarmanna hér.

Bein útsending verður frá Heimsmeistarakeppninni:

Myndir: facebook / Landslið kjötiðnaðarmanna