Smári Valtýr Sæbjörnsson
Nýir rekstraraðilar á veitingastaðnum Rauða húsið
Nýir rekstraraðilar hafa tekið við í hinu rómaða Rauða húsi á Eyrarbakka, en það eru þeir Stefán Kristjánsson og Stefán Ólafsson. Nýr mat-, og vínseðill, áhersla á ferskt hráefni úr matarkistu Suðurlands.
Stefán Kristjánsson er 51 árs matreiðslumaður, en hann lærði fræðin sín á Hótel Esju á árunum 1979 til 1983 ásamt því að læra bakarameistarann árið 1988 í Smárabakaríi og Kondidorí í Danmörku árið 1991. Stefán hefur unnið til margra viðurkenninga og verðlauna á starfsferlinum sínum og er meðlimur í Klúbbi Matreiðslumeistara. Stefán hefur Starfað óslitið við þessa iðn frá því að námið hófst 1979 bæði erlendis og heima. Stefán hefur verið mikið í eigin rekstri í bland við störf hjá öðrum. Síðast var Stefán vaktstjóri á Hótel Rangá.
Stefán Ólafsson er 40 ára barþjónn og lærði þau fræði í Hannover í Þýskalandi árið 1997. Vann til margra verðlauna bæði á sviði kokkteil gerðar og sem viskí sérfræðingur. Stefán vann við fagið í Þýskalandi til ársins 2005 þegar hann hélt aftur til Íslands og fór að vinna á Radisson SAS 1919 hóteli, Hilton Nordica Reykjavík og sem yfirþjónn á Hótel Rangá. Stefán er meðlimur í Barþjónasamtökum Íslands sem og Barþjónasamtökum Þýskalands.
Við gerðum nokkrar breytingar á matseðli og á vínseðli. Var úrvalið aukið til muna á vínum og matargerðinni lyft á hærra plan. Við erum með gott úrvals sjávarrétti, Lamba-, nauta og hrossa steikur og gott úrval forrétta og eftirrétta.
… sagði Stefán Ólafsson í samtali við veitingageirinn.is, aðspurður um breytingar á mat-, og vínseðli.
Rauða Húsið er fallegt sögufrægt hús á Eyrabakka þar sem boðið er upp á la carte sem og hópa seðla. Húsið rúmar allt að 280 manns og er hentugt fyrir árshátíðir, hátíðis-, og tækifæris veislur.
Við ætlum í haust að bjóða hópum upp á viskí kynningar og verður í boði að fá sérvalinn matseðil með kynningunni. Við höfum verið með bjórkynningar fyrir Ölfusholt og ætlum að auka á það og bjóða einnig upp á sérstakan matseðil í takt við kynningarnar fyrir hópa. Svo er fyrirhugað að hafa villibráðar-, og jólahlaðborð með íslenskum og dönskum sérréttum.
… sagði Stefán að lokum.
Mynd: af heimasíðu Rauða hússins
Taggaðu okkur á Instagram: #veitingageirinn og myndirnar birtast sjálfkrafa á forsíðunni.
-
Veitingarýni4 dagar síðan
Dýrindis jólahlaðborð á veitingastaðnum Sunnu á Sigló – Veitingarýni
-
Nýtt bakarí, veitingahús, fisk- og kjötbúð og hótel4 dagar síðan
Myndir: Krónan á Bíldshöfða opnar á ný eftir gagngerar endurbætur – Ný tæknilausn tekin í notkun
-
Markaðurinn7 klukkustundir síðan
Nýr samningur markar tímamót hjá Matvís – Samningur undirritaður við Reykjavíkurborg
-
Viðtöl, örfréttir & frumraun3 dagar síðan
Jólamarkaður í Hafnarhúsinu í dag
-
Markaðurinn3 dagar síðan
Heimalagaður hátíðarís með hvítu súkkulaði og piparkökum
-
Viðtöl, örfréttir & frumraun3 dagar síðan
Síldarveisla á Siglufirði
-
Nýtt á matseðli1 dagur síðan
Grillaður lax að hætti Sumac
-
Markaðurinn4 dagar síðan
Matvís jólaballið verður 8. desember