Ingvar hefur hafið störf í mötuneyti MH

Við greindum frá á sunnudaginn síðastliðin að Ingvar hafði selt Salatbarinn og hafið störf á nýjum stað sem ekki var vitað að svo stöddu.  Freisting.is hafði samband við Ingvar í morgun eftir að hafa grennslast fyrir um hvar meistarinn væri niðurkominn, en Ingvar sér um mötuneyti Menntaskólans við Hamrahlíð (MH) og líkar vel við nýja staðinn.

Aðspurður um hvað fyrsta sem hann gerði á morgnana í MH mötuneytinu; „Ég byrja á því að útbúa hafragraut fyrir alla nemendur skólans“, sagði Ingvar hress að vanda, en Ingvar kemur til með að halda áfram með veisluþjónustuna.

Sonur fyrrverandi skólastjóra Hótels og veitingaskólans er nýr eigandi Salatbarsins

Það var Benjamín Friðriksson sem keypti Salatbarinn, en Benjamín lærði fræðin sín í Svíðþjóð á veitingastaðnum Skeppsbron í Malmö.

Faðir Benjamín ætti að mörgum kunnugur en það er meistarinn Friðrik Gíslason fyrrverandi skólastjóri Hótel og veitingaskólans sem staðsettur var í Hótel  Esju (Nú Hilton hótelið).

Benjamín sagði í samtali við freisting.is, að hann væri nú þegar byrjaður að breyta aðeins til og hefur komið með nýjan einkennisbúning á starfsfólkið, kominn með nýtt postulín í salatbarinn svo eitthvað sé nefnt.

Verðið hefur verið lækkað úr 1600 í 1400 og ætlar Benjamín að bæta við rétti sem ekki innihalda, msg, hveiti, sykur  fyrir þá sem vilja heilsusamlegra fæði og eins verður hann með rétti fyrir þá sem sem ekki eru í þeim hugleiðingum.

Við óskum Benjamín til hamingju með staðinn og velfarnaðar á komandi árum.

/Smári