Suður-Afrísk vín í brennidepli hjá Vínskólanum

Vínskólinn hefur fengið fljúgandi start.  Alsace ferðin fer að verða fullskipuð og er þegar byrjað að undirbúa næstu ferð.  Það er greinilegt að mikill vínáhugi er hjá almenningi – fagfólk hefur einnig sýnt skólanum töluverðan áhuga. 

Í tengslum við vínþjónakeppni VSÍ, sem fram fer laugardaginn 18. mars á Hótel Borg, mun Vínskólinn sjá um þjálfun þjóna og nema fyrir keppnina.

Næsta námskeið verður 14. mars.  Þar verður sjónum beint að Suður Afríku.  Tilefnið er að í mars eru þessi vín á tilboði í Vínbúðum.  Suður Afrísk vín hafa notið mikilla vinsælda um allan heim undanfarin ár.  Áhugasömum er bent á að heimsækja heimasíðu Vínskólans og kynna sér málið nánar.

Heiðar Birnir Kristjánsson
[email protected]