Kokkalandsliðið
Íslenskt sjávarfang og lambakjöt kynnt í Berlín
Íslenskt sjávarfang og lambakjöt verða í aðalhlutverki í fjölmennri matarveislu sem haldin verður í húsakynnum þýsku verslunarkeðjunnar Frischeparadies í Berlín þann 1. september nk.
Veislan er liður í kynningarátaki Frischeparadies á ferskum íslenskum hágæða afurðum sem stendur yfir í septembermánuði. Íslandsstofa og sendiráð Íslands í Berlín eru samstarfsaðilar Frischeparadies í þessari kynningu. Markmiðið er að kynna íslenskt hráefni og vekja almenna athygli á Íslandi og íslenskri matarmenningu.
Boðið verður upp á sjö rétta matseðil þar sem fimm réttir eru úr íslensku hráefni og mun Þráinn Freyr Vigfússon, núverandi þjálfari íslenska kokkalandsliðsins og matreiðslumaður ársins árið 2007, elda einn þessara rétta. Hina réttina elda þekktir þýskir matreiðslumenn. Nú þegar er uppselt í matarveisluna sem rúmar 300 manns og er þar um að ræða bæði boðsgesti auk almennings.
Í verslunum Frischeparadies er boðið upp á hágæða hráefni þar sem megináherslan er á kældar og ferskar afurðir, mest sjávarfang og kjöt. Frischeparadies er einnig stór dreifingaraðili á ferskum og kældum afurðum til þýskra smásölukeðja. Fyrirtækið hefur um all nokkurt skeið valið ferskar sjávarafurðir frá Íslandi sökum hreinleika, gæða og ábyrgrar nýtingar á fiskistofnum hér við land. Keðjan er aðili að markaðsverkefninu Iceland Responsible Fisheries. Lambakjötið er nýjung í framboði þeirra og verða afurðir frá SAH á Blönduósi til sölu í verslunum þeirra í sjö borgum í Þýskalandi og í verslun þeirra í Vín í Austurríki næstu fjóra mánuði. Allt fiskmetið í veislunni (humar, bleikja og þorskur) kemur frá Iceland Seafood International en fyrirtækið er með söluskrifstofu í Hamborg.
Samhliða heimsókn sinni til Berlínar mun Þráinn Freyr elda íslenskan þorsk í matreiðsluþættinum Berlin Kocht. Sendiherra Íslands í Þýskalandi, Gunnar Snorri Gunnarsson, mun vera Þráni til halds og trausts í útsendingunni og kynna íslenskar matvörur fyrir þýskum matgæðingum en um 180 þúsund Berlínarbúar horfa vikulega á þáttinn.
Greint frá á vef Íslandsstofunnar.
Mynd: Aðsend
Taggaðu okkur á Instagram: #veitingageirinn og myndirnar birtast sjálfkrafa á forsíðunni.
Nýr veitingastaður á Laugarvatni – Sunneva og Sæþór: Við viljum að allir sem koma líði eins og þeir séu heima hjá sér
Mesta úrval Japanskra hnífa á Íslandi
Grétar Matthíasson er Meistari meistaranna
Nýtt veitingasvæði rís í austurenda Smáralindar – 13 nýir veitingastaðir
Kristinn Frímann bauð upp á glæsilegt jólahlaðborð á togaranum Kaldbak – Myndir
Mikil aukning á fölsuðu áfengi – IBA biðlar til allra barþjóna og veitingamenn að vera vel á verði
Haraldur Már töfraði fram jólakræsingar á frystiskipinu Snæfelli
Ljúffengar og góðar fiskibollur
Úrvalslið veitingageirans fagnaði opnun þriggja nýrra veitingastaða á Keflavíkurflugvelli – Myndir
Mesta úrval Japanskra hnífa á Íslandi
Vel heppnað eftirréttanámskeið Iðunnar og Ólöfu Ólafsdóttur Konditor og eftirréttameistara – Myndir og vídeó
Myndir og vídeó frá Tipsý viðburðinum á Múlabergi – Ingibjörg Bergmann: Það er alveg greinilegt að kokteilamenningin á Akureyri blómstar ….
Veitingastaðnum Nebraska lokað
Úrslit Red Hands í london – Myndir og vídeó
Þegar Annie Hesselstad hitti íslenska Kokkalandsliðið – Vídeó
-
Nýtt bakarí, veitingahús, fisk- og kjötbúð og hótel2 dagar síðanNýr veitingastaður á Laugarvatni – Sunneva og Sæþór: Við viljum að allir sem koma líði eins og þeir séu heima hjá sér
-
Markaðurinn2 dagar síðanMesta úrval Japanskra hnífa á Íslandi
-
Keppni2 dagar síðanGrétar Matthíasson er Meistari meistaranna
-
Nýtt bakarí, veitingahús, fisk- og kjötbúð og hótel3 dagar síðanNýtt veitingasvæði rís í austurenda Smáralindar – 13 nýir veitingastaðir
-
Viðtöl, örfréttir & frumraun2 dagar síðanKristinn Frímann bauð upp á glæsilegt jólahlaðborð á togaranum Kaldbak – Myndir
-
Markaðurinn2 dagar síðanMijita er fyrsti 100% glútenfríi veitingastaðurinn í Wolt appinu
-
Markaðurinn4 dagar síðanDill opnar á ný eftir breytingar – nú með nýju borðabókunarkerfi Noona
-
Keppni3 dagar síðanMatreiðslukeppni stjórnmálaflokkana í húsi Fagfélagana