Fuut Fuut Bistro fagnar eins árs afmæli í Hvalsø

Í dag, föstudaginn 15. ágúst, heldur danski veitingastaðurinn Fuut Fuut Bistro upp á fyrsta afmælisdaginn sinn með sérstakri dagskrá fyrir gesti og vini staðarins. Afmælishátíðin fer fram milli klukkan 15 og 18 að Tølløsevej 1 í bænum Hvalsø.

Sjá einnig: Allt komið á fullt hjá Fuut Fuut – Gunnar Páll: „Tvær gamlar Hótel Sögu uppskriftir eru á matseðlinum….“

Í tilefni dagsins verður sett upp sýning á listaverkum og handverki frá kennurum Gro Akademíunnar, auk verka eftir starfsfólk staðarins sjálfs. Gestir geta notið listarinnar með glasi af víni í hönd, á meðan gestir njóta þess að vera saman í vinalegu umhverfi.

Gunnar Páll Gunnarsson er yfirkokkur staðarins

Eins og venjulega er hægt að bóka borð á fimmtudögum, föstudögum og laugardögum, og í dag verður boðið upp á ljúffengan sumarmatseðil sem hefur vakið áhuga matgæðinga á svæðinu.

„Við hlökkum til að fagna deginum með öllum þeim sem hafa stutt okkur á fyrsta starfsárinu,“

segja þau hjá Fuut Fuut Bistro.

„Komið með vini, njótið matarins, vínanna og listanna og eigum saman skemmtilega stund.“

Samsett mynd: facebook / Fuut Fuut Cafe/Bistro