Alþjóðlegi gin dagurinn fagnaður með stæl á Kokteilbarnum og Monkey’s

Kokteilbarinn og Monkey’s ætla að fagna Alþjóðlega gin deginum með sérstökum kokteilviðburði laugardaginn 14. júní. Í tilefni dagsins hafa kokteilsérfræðingar Kokteilbarsins sett saman glæsilegan pop-up seðil þar sem fjögur ólík gin fá að njóta sín í frumlegum og vel útfærðum kokteilum.

Á seðlinum má finna Gin Mare frá Spáni, Stockholm Bränneri frá Svíþjóð, Canaïma frá Suður-Ameríku og hið íslenska Marberg gin. Hver kokteill er hannaður með það að leiðarljósi að draga fram sérstöðu og bragðeinkenni hvers gins fyrir sig.

Kokteilarnir verða í boði á sérstöku PopUp-verði og mun DJ Eva Luna halda stemningunni lifandi með völdum tónlistarlögum kvöldið á enda.

Þetta er einstakur viðburður sem enginn gináhugamaður ætti að láta fram hjá sér fara.