Mats töfraði fram flott brauðmeti og bakkelsi á vörukynningu Norlander – Zeelandia

F.v. Mats Persson, Gunnar Þórarinsson og Kent Inge Ohlsson

Fyrr í vetur hélt Sælkeradreifing vörukynningu fyrir bakaraiðnaðinn í Hótel og Matvælaskólanum í MK, þar sem bakarameistarar, nemar og konditorar voru boðnir velkomnir.

Gunnar Þórarinsson bakari og sölumaður fyrir bakarí hjá Sælkeradreifingu sá um að koma þeim Mats Persson bakara í þróunardeild og Kent Inge Ohlsson markaðsstjóra hingað til lands og sýna okkur í ræðu og riti nýjungar frá Norlander Zeelandia sem Sælkeradreifing er með umboð fyrir.

Vörulína Norlander Zeelandia þekkja bakarar en þar á meðal eru brauðblöndur, bætiefni, krydd og kryddblöndur í brauð og kökur auk fyllinga í bakkelsi og vínarbauð auk ýmisskonar fræblöndur og formafeiti fyrir plötur og form. Mjög flott síða þar sem má fletta upp hráefni sem þeir hafa á boðstólnum auk þess uppskriftavefur úr þeirra hráefni bæði brauð og kökur sem dæmi hér.

Góð mæting var í sýnikennslueldhúsið á annari hæð í hótel og matvælaskólanum í MK, en eins og myndirnar bera með sér hafði Mats sem er bakari í tilraunabakarí Norlander-Zeelandia haft nóg að snúast þennan dag. Þvílíkt magn af flottu brauðmeti og bakkelsi sem hann hafði töfrað fram, virkilega flott vörulína hér á ferð sem vert er að skoða vel.

Látum myndir tala sínu máli auk smá myndskots sem undirritaður tók á staðnum.

/Matthías