Myndir: Bakaradeildin í Hótel- og matvælaskólanum tók þátt í Tyllidögum

Tyllidagar hafa staðið yfir í Menntaskólanum í Kópavogi og hafa nemendur tekið sér tveggja daga hlé frá hefðbundnu skólastarfi til að brjóta upp annasamt hversdagslífið. Um er að ræða árlega þemadaga sem haldnir eru á haustönn og njóta jafnan mikilla vinsælda meðal nemenda og starfsfólks.

Dagskráin í ár hefur verið fjölbreytt og lífleg. Þrautir, spil og keppnir hafa sett svip sinn á stemninguna, auk þess sem boðið hefur verið upp á rólegri stundir fyrir þá sem kjósa það. Söngur og dans hafa einnig verið áberandi og víða mátti finna gleði og samveru í fyrirrúmi.

Í gær var slegið upp pylsupartíi sem vakti mikla lukku. Þá lagði bakaradeildin í Hótel- og matvælaskólanum sitt af mörkum og sá til þess að nemendur og kennarar gætu notið gómsætra pizza, samloka, bolla og annarra sætra veitinga. Matarkosturinn féll í góðan jarðveg og bætti enn í hátíðlega stemningu daganna.

Tyllidagar eru þannig kærkomið tækifæri til að rækta félagslífið, efla samheldni og skapa minningar sem lifa lengur en hefðbundnir skóladagar.

Myndir: facebook / Menntaskólinn í Kópavogi