Jakob Alf stóð uppi sem sigurvegari

Jakob Alf

Kokteilakeppni veitingastaðarins OTO Restaurant og 818 Tequila fór fram 31. mars síðastliðinn við góðar undirtektir. Keppnin var vel sótt og vakti athygli, en þar komu saman tíu keppendur sem öttu kappi í sköpun, bragðsamsetningu og framsetningu kokteila.

Kynnir kvöldsins var Gústi B, sem leiddi dagskrána og hélt uppi líflegri stemningu meðal gesta.

Það var Jakob Alf á Veður sem bar sigur úr býtum með kokteilinn Apple Bottom Beans. Hann þótti skara fram úr fyrir frumleika og vel útfært jafnvægi í bragði.

Í öðru sæti hafnaði Daniel Kava frá Sushi Social, en þriðja sætið hlaut Svanhvít, einnig frá Veður.

Samkvæmt skipuleggjendum endurspeglaði keppnin þann metnað og sköpunargleði sem einkennir íslenska kokteilamenningu um þessar mundir. Gæði keppenda voru sögð afar jöfn og samkeppnin hörð.

Viðburðurinn var haldinn í samstarfi 818 Tequila og veitingastaðarins OTO á Hverfisgötu.

Myndband frá líflegu kokteilakvöldi hér.

Myndir og vídeó: aðsent