Michelin-listinn á Íslandi helst óbreyttur, Kadeau fær þriðju stjörnuna

Nicolai Nørregaard í kokkagallanum eftir að Kadeau bættist í hóp þriggja stjörnu Michelin-veitingastaða.

Michelin-stjörnurnar fyrir Norðurlöndin árið 2026 voru kynntar við hátíðlega athöfn í tónleikasalnum í Tívolí í Kaupmannahöfn í dag. Engar breytingar urðu á stöðu íslenskra Michelin-veitingastaða, en einn nýr íslenskur veitingastaður bættist á lista Michelin yfir staði sem eftirlitsmenn leiðarvísisins mæla sérstaklega með.

Dill varð fyrsti íslenski veitingastaðurinn til að hljóta Michelin-stjörnu þegar staðurinn fékk viðurkenninguna árið 2017. Frá þeim tíma hefur Dill haldið stjörnunni, að undanskildu árinu 2019. Veitingastaðurinn ÓX bættist í hóp Michelin-veitingastaða árið 2022 þegar staðurinn hlaut sína fyrstu stjörnu og fékk síðar einnig græna Michelin-stjörnu fyrir áherslu á sjálfbærni. Sú viðurkenning fellur nú niður ásamt öllum grænum Michelin-stjörnum á heimsvísu eftir að Michelin ákvað að leggja flokkinn af. Moss hlaut sína fyrstu Michelin-stjörnu árið 2023 og heldur henni áfram líkt og hinir íslensku Michelin-veitingastaðirnir.

Michelin-stjörnur á Íslandi 2026

Ein Michelin-stjarna

Dill
ÓX
Moss

Michelin mælir með þessum íslensku veitingastöðum

Lóla
Tides
Matur og drykkur
Sümac
Hosiló
OTO

Lóla er nýr á listanum í ár en að öðru leyti helst íslenski hlutinn óbreyttur.

Nýjar Michelin-stjörnur á Norðurlöndum

Alls fengu níu veitingastaðir sína fyrstu Michelin-stjörnu í ár.

Danmörk

Lille Mølle, Kaupmannahöfn
Akme, Kaupmannahöfn
Bach & Nurup, Álaborg
Okê, Skagen
Esse, Kaupmannahöfn

Noregur

Mirabelle, Bekkjarvik
Credo, Osló
Kvitnes Gård, Kvitnes

Finnland

Boreal

Tveir veitingastaðir hlutu aðra Michelin-stjörnu.

Noregur

Gaptrast, Bergen

Finnland

Grön, Helsinki

Kadeau fær þriðju Michelin-stjörnuna

Ein stærsta frétt kvöldsins var að danski veitingastaðurinn Kadeau í Kaupmannahöfn hlaut sína þriðju Michelin-stjörnu og færist þar með í hóp virtustu veitingastaða heims.

Eftirtaldir fimm veitingastaðir halda áfram þremur Michelin-stjörnum sínum á Norðurlöndum:

Geranium, Danmörku
Maaemo, Noregi
Frantzén, Svíþjóð
Jordnær, Danmörku
Re-Naa, Noregi

Sérstakar viðurkenningar

Michelin veitti einnig nokkrar sérstakar viðurkenningar á hátíðinni.

Young Chef Award 2026
Andreas Ring Kjeldsholm Hansen hjá Krogs í Danmörku.

Sommelier Award 2026
Rudimante Belardi Galeone hjá þriggja stjörnu veitingastaðnum Maaemo í Noregi.

Service Award 2026
Carl Frosterud hjá tveggja stjörnu veitingastaðnum Aira í Svíþjóð.

Opening of the Year 2026
Adam Dahlberg og Albin Wessman fyrir veitingastaðinn Adam Albin.

Hægt er að horfa á alla Michelin-hátíðina í myndbandinu hér að neðan.

Mynd: Skjáskot úr myndbandi