Íslandsmeistari í kokteilagerð náði 3. sæti á Evrópumótinu á Kýpur

Róbert Aron Proppé

Róbert Aron Proppé, Íslandsmeistari í kokteilagerð, hefur lokið keppni á Evrópumótinu í kokteilagerð sem fram fór í Protaras á Kýpur með glæsilegum árangri. Róbert hafnaði í 3. sæti og hlaut þar með bronsverðlaun í keppninni.

Sjá einnig: Róbert Aron Proppé keppir fyrir Íslands hönd á Evrópumótinu í kokteilagerð

Auk þess hlaut hann hinn eftirsótta Arnarverðlaun (Eagle Award), sem veitt er barþjóni undir 25 ára aldri með besta árangurinn og verðlaun fyrir besta árangurinn í skriflegu prófi. Ísland hefur eignast klárasta barþjón Evrópu.

Róbert keppti með kokteilinn Pillow Talk, sem inniheldur Gin Mare, Monin ástaraldin-puré, Monin kókoshnetusýróp og engiferbjór. Drykkurinn var skreyttur með greipaldinshýði og limeblaði festu með kokteilapinna og var keppnin í svokölluðum „Long Drink“ flokki.

Keppnin er krefjandi og metur ekki aðeins bragð og framsetningu heldur einnig fagleg vinnubrögð og fræðilega þekkingu keppenda, þar sem þátttakendur þurfa að standast skriflegt próf í kokteilafræðum, þar sem Róbert kom sá og sigraði.

„Ég er gríðarlega stoltur af þessum árangri  Markmiðið var að taka þetta skrefinu lengra en í fyrra, og það er ótrúlega ánægjulegt að ná verðlaunasæti og fá viðurkenningu fyrir þekkinguna líka, ég er nánast orðlaus“

segir Róbert.

Róbert Aron Proppé og Pétur Hafsteinn Úlfsson Kolka

Með Róberti í för var Pétur Hafsteinn Úlfsson Kolka, sem er í þjálfarateymi Barþjónaklúbbs Íslands.

,,Við erum búnir að standa í ströngu með æfingar og við sjáum að afraksturinn að skila sér hér. Ég er gríðarlega stoltur af Róberti sem er búinn að sýna af sér mikinn metnað í gegnum ferlið, þetta er ekkert smá ánægjulegt“

Árangur Róberts er stórt skref fyrir íslenska kokteilamenningu og undirstrikar sterka stöðu íslenskra barþjóna á alþjóðavettvangi.

Hér má svo sjá Heildarúrslit:

1. sæti (gull) – Holland, Jan Dirk Huijser van Reenen

2. sæti (silvur) – Eistland, Laur Ihermann

3. sæti (brons) – Íslands, Róbert Aron Proppé

Arnarverðlaun: Íslands, Róbert Aron Proppé

Besti árangur í skriflegu prófi: Íslands, Róbert Aron Proppé

Besta kynningin: Holland, Jan Dirk Huijser van Reenen

Bestu faglegu vinnubrögðin: Spánn, Antonio Miñarro

Besta skreytingin: Ungverjaland, Mate Gabor Stenger

Besti kokteillinn: Finnland, Jan Lindgren

Flair:

1. sæti (gull) – Pólland, Kacper Smarz

2. sæti (silvur) – Tékkland, Štěpán Šimánek

3. sæti (brons) – Króatía, Dušan Janjatović

Myndir: aðsendar