Vídeó frá kveðjupartý Valla bakara | Jón Arilíus færir alla vinnsluna í Valgeirsbakarí

Valgeir Jóhannes Þorláksson, betur þekktur sem Valli bakari, hefur staðið vaktina í Valgeirsbakaríi við Hólagötu í Njarðvík frá árinu 1970, en hann seldi bakaríið nú á dögunum eftir 45 farsæl ár.

Nýi eigandinn er Jón Rúnar Arilíusson konditor og bakari en hann er jafnframt eigandi Kökulistar í Hafnarfirði.  Jón kemur til með að flytja alla vinnsluna sem hann hafði í verslunarmiðstöðinni Firði í Hafnarfirði yfir í Valgeirsbakarí.

Kjartan Már Kjartansson, og feðgarnir Valgeir Jóhannes Þorláksson og Ásmundur Valgeirsson

Í Valgeirsbakarí nú í vikunni var haldin kveðjuveisla í tilefni eigendaskipta, bæjarstjórinn í Reykjanesbæ færði Valla blómvönd og þakkir fyrir þjónustuna öll þessi og Jóni boðið velkominn á Suðurnesin.  Sjónvarp Víkurfrétta kíkti í heimsókn og ræddi þar bæði við Valgeir og Jón sem má nálgast hér að neðan.

Skrunið niður til að horfa á vídeó.

Jón kemur til með að bæta við veisluþjónustu Valgeirs bakarís sem eflaust verður kærkomin viðbót við veisluþjónustuframboð á svæðinu.

Frá fyrstu árum Valgeirsbakarí

Vinnslan fyrir Kökulist og Valgeirsbakarí fer öll fram hér

Myndir: skjáskot úr myndbandi