Veitingastaðurinn Brasserie Eiriksson verður staðsettur við Laugaveg 77

Gengið er inn í Brasserie Eiriksson frá horninu á húsinu við Barónstíg.
Mynd: skjáskot af google korti

Brasserie Eiriksson er nýr veitingastaður sem opnar á nýju ári. Eins og fram hefur komið þá er eigandi staðarins Friðgeir Ingi Eiríksson yfirmatreiðslumaður á Gallery Restaurant á Hótel Holti en hann hættir þar um áramótin næstkomandi.

Friðgeir Ingi Eiríksson
Mynd: facebook /
Hotel Holt – Gallery Restaurant

Allir í veitingadeildinni á Holtinu fylgja Friðgeiri yfir á nýja staðinn sem staðsettur verður við Laugaveg 77 þar sem Landsbankinn var áður til húsa.

Brasserie Eiriksson verður í alþjóðlegum matargerðarstíl, og verður eitt og annað sér innflutt frá ítalíu.

„Vínseðillinn verður mjög stór og verður hann einn af sérstöðum hússins,“

sagði Friðgeir í samtali við veitingageirinn.is.