Perlan endurnýjar veitingareksturinn: nýtt útlit, ný húsgögn og endurvakning jólahlaðborðsins

Friðgeir Ingi Eiríksson á EIRIKSSON Brasserie og Guðmundur Ragnarsson, betur þekktur sem „Gummi í Laugarási“, standa nú að endurskipulagningu veitingarekstrarins á 5. hæð Perlunnar.

Fram undan eru spennandi breytingar, meðal annars endurnýjun húsgagna og nýtt yfirbragð á veitingasvæðinu. Nýju húsgögnin eru hönnuð og framleidd á Ítalíu af hinum virtu húsgagnamerki PEDRALI, og verða þau sett upp fyrir næstu mánaðamót ef allt gengur upp.

„Við höfum verið hér frá því á tímum heimsfaraldursins og ávallt lagt áherslu á að skapa notalegt og líflegt andrúmsloft,“

segir Friðgeir Eiríksson.

„Nú tekur við nýr kafli með fersku útliti, en sama hlýja stemningin heldur áfram.“

Jólahlaðborðið snýr aftur og villibráðarhlaðborð fram undan

Í ár verður hið vinsæla jólahlaðborð Perlunnar endurvakið, en það var um árabil eitt það glæsilegasta í Reykjavík. Þá er einnig stefnt að því að bjóða upp á villibráðarhlaðborð árið 2026, þar sem lögð verður áhersla á gæði, íslenskt hráefni og einstaka upplifun.

„Við í Perlunni erum ótrúlega spennt fyrir þessum breytingum,“

segir starfsfólk Perlunnar í sameiginlegri yfirlýsingu.

„Það hefur ávallt verið mikil gleði og jákvæð orka í okkar starfi og nú horfum við bjartsýn fram á veginn.“

Núverandi húsgögn til sölu

Húsgögnin sem fyrir eru á 5. hæð, þar á meðal borð og stólar, eru nú til sölu á mjög hagstæðum kjörum.

Frekari upplýsingar veitir Ármann í tölvupósti á [email protected].