Bocuse d´Or
Stórskotalið íslenskra Bocuse d’Or kokka sameinast á styrktarkvöldi
Snædís Xyza Mae Jónsdóttir
Styrktarkvöldverður verður haldinn til heiðurs og stuðnings við Snædísi Xyzu Jónsdóttur, sem á dögunum tryggði sér sæti í úrslitum Bocuse d’Or, sem fram fara í janúar 2027 í Lyon í Frakklandi. Um er að ræða eitt stærsta verkefni íslenskrar matreiðslu á alþjóðavettvangi og undirbúningur þegar hafinn af fullum krafti.
Kvöldverðurinn fer fram á veitingastaðnum EIRIKSDÓTTIR laugardaginn 18. apríl næstkomandi og er liður í fjáröflun fyrir Snædísi og teymi hennar, sem keppir fyrir hönd Íslands í þessari virtu heimsmeistarakeppni einstaklinga í matreiðslu.
Kvöldverðurinn fer fram á veitingastaðnum EIRIKSDÓTTIR laugardaginn 18. apríl næstkomandi
Að sögn aðstandenda verður kvöldið glæsilegt í alla staði. Sérvalin eðalvín verða pöruð við matseðil kvöldsins og verður sannkallað stórskotalið í eldhúsinu. Allir kokkarnir sem koma að kvöldinu eiga það sameiginlegt að hafa keppt fyrir Íslands hönd í Bocuse d’Or og búa því yfir mikilli reynslu af keppninni.
Dagskráin hefst klukkan 18:00 með fordrykk og smáréttum, áður en kvöldverðurinn sjálfur tekur við. Þá verður einnig boðið upp á uppboð á völdum árgangsvínum þar sem gestum gefst færi á að næla sér í eftirsóttar flöskur og styðja um leið við bakið á íslenska keppnisliðinu.
Hægt er að panta borð á Dineout.is.
Kvöldið er einstakt tækifæri til að upplifa matargerð á hæsta stigi og leggja sitt af mörkum til verkefnis sem vekur athygli langt út fyrir landsteinana.
F.v. Friðgeir Ingi Eríksson, Þráinn Freyr Vigfússon, Sigurjón Bragi Geirsson, Sindri Guðbrandur Sigurðsson, Viktor Örn Andrésson og Sturla Birgisson
Matseðill og ártal vísa til þess hvenær kokkurinn keppti í Bocuse d’Or:
Canapés
Hákon Már Örvarson – 2001
– Reyktur áll · andalifur
Sigurður Laufdal – 2013 og 2021
– Gnocchi fritti · Jamón Ibérico · Parmigiano · truffluhunang
Sigurður Helgason – 2015
– Túnfiskur · gerjuð plóma
Réttir
Sigurjón Bragi Geirsson – 2023
– Bleikja · tómatar · wasabi
Viktor Örn Andrésson – 2017
– Humar · jarðskokkar · estragon
Þráinn Freyr Vigfússon – 2011
– Sandvíkur rófur, Bakað skyr · súrdeigsstökk · reykt andaregg · brúnað smjör
Sindri Guðbrandur Sigurðsson – 2025
– Þorskur · ígulker · grasker · hafþyrnir · grænar ertur
Snædís Xyza Jónsdóttir – 2027
– Nautalund · Cuttelfish · humar aioli (Réttur úr forkeppni Bocuse d´Or 2026)
Eftirréttur
Friðgeir Ingi Eríksson – 2007 · Sveinn Þorri Þorvaldsson
– Pavlova „Eiríksdóttir“, Ætiblóm · blómate · ástaraldin · vanilla
49.900kr. matur og vínpörun
Myndir: úr einkasafni
Supermeals kynnir nýja eiginleika sem einfalda birtingu matseðla og straumlínulagaða skráningu viðskiptavina
Þrjátíu ár við stjórnvölinn – Bjarki Hilmarsson heiðraður
Ísak Aron Jóhannsson er Kokkur ársins 2026 – úrslit úr öllum keppnum
Skráning stendur yfir í pizzakeppni með ferð til Ítalíu í verðlaun
Michelin-kvöld á Moss með Tom Aikens og Marqués de Murrieta
Stórskotalið íslenskra Bocuse d’Or kokka sameinast á styrktarkvöldi
Sjaldgæft japanskt viskí á matseðli hjá Gordon Ramsay, kostar yfir fjórar milljónir króna
Pizza pop-up og sultukynning frá Helvítis Kokkinum á Norðurlandi
Mata hf. tekur við dreifingu á Nordic Wasabi
Supermeals kynnir nýja eiginleika sem einfalda birtingu matseðla og straumlínulagaða skráningu viðskiptavina
Svangur þjófur braust inn í Almars bakarí í Hveragerði
„Draumurinn hefur alltaf verið að keppa í þessari keppni,“ segir Snædís
Eldhús í ofurkeyrslu: 1.000 starfsmenn umbreyta Mercedes-Benz Stadium á innan við 18 klukkustundum
2,3 milljarðar króna í mat á ári, svona er eldhúsið á Rikers rekið – Myndband
Myndband: Kokkar tóku á móti gestum í sal á meðan þjónar fóru í eldhúsið
-
Markaðurinn3 dagar síðanSupermeals kynnir nýja eiginleika sem einfalda birtingu matseðla og straumlínulagaða skráningu viðskiptavina
-
Keppni3 dagar síðanSkráning stendur yfir í pizzakeppni með ferð til Ítalíu í verðlaun
-
Viðtöl, örfréttir & frumraun2 dagar síðanPizza pop-up og sultukynning frá Helvítis Kokkinum á Norðurlandi
-
Markaðurinn3 dagar síðanMötuneyti skera sig úr með hæstu dagvinnulaunin
-
Markaðurinn2 dagar síðanMata hf. tekur við dreifingu á Nordic Wasabi
-
Vín, drykkir og keppni18 klukkustundir síðanSjaldgæft japanskt viskí á matseðli hjá Gordon Ramsay, kostar yfir fjórar milljónir króna