Starbucks opnar á Hafnartorgi – stærsta kaffihús keðjunnar á Íslandi til þessa

Á dögunum opnaði Starbucks nýtt og glæsilegt kaffihús á Hafnartorgi í Reykjavík. Staðurinn er staðsettur í Hafnartorgi Gallery við Bryggjugötu 2 og bætist við þá fjölbreyttu flóru veitingastaða, verslana og afþreyingu sem hefur sprottið upp á svæðinu undanfarin ár.

Þetta er annað kaffihúsið sem Starbucks opnar á Íslandi á árinu og jafnframt það stærsta til þessa. Reksturinn er í höndum Berjaya Coffee Iceland ehf., sem er dótturfélag malasíska fyrirtækisins Berjaya Food International.

Starbucks leggur mikla áherslu á að kaffihúsin séu hönnuð sem hlýlegur og hvetjandi „þriðji staður“, þar sem gestir geta átt notalega stund milli heimilis og vinnu. Nýi staðurinn á Hafnartorgi er engin undantekning og býður upp á rúmgott og nútímalegt rými sem markar mikilvæga viðbót við miðborgina.

Myndir: Heimar.is