Rafhleðslustöðvar við öll Íslandshótel á landsbyggðinni

Fyrsta rafhleðslustöðin var sett upp við Fosshótel Reykholt og síðan þá hefur verið unnið að uppsetningu slíkra stöðva við öll hótelin á landsbyggðinni. Þá er hraðhleðslustöð við Fosshótel Mývatn og í bígerð er að setja upp hraðhleðslustöð við Fosshótel Húsavík.

Rafhleðslustöðvar eru nú komnar upp við öll Íslandshótel á landsbyggðinni og geta gestir því hlaðið bíla sína hringinn í kringum landið á ferðalögum sínum.

Fyrsta rafhleðslustöðin var sett upp við Fosshótel Reykholt og síðan þá hefur verið unnið að uppsetningu slíkra stöðva við öll hótelin á landsbyggðinni. Þá er hraðhleðslustöð við Fosshótel Mývatn og í bígerð er að setja upp hraðhleðslustöð við Fosshótel Húsavík.

Rafhleðslustöðvarnar voru í fyrstu settar upp í samstarfi við ON en síðar var einnig gerður samstarfssamningur við Ísorku. Þá stendur til að fjölga stöðvum enn meira á hótelum Íslandshótela til að mæta aukinni þörf.

Rafhleðslustöðvarnar eru settar upp í tengslum við sjálfbærnistefnu Íslandshótela, en félagið er leiðandi á því sviði.  Íslandshótel hafa stutt orkuskiptin með uppsetningu stöðvanna og mun halda því verki áfram og stuðla þannig að því að enn auðveldara verði að ferðast um landið allt á bílum sem ganga fyrir rafmagni.

Myndir: aðsendar